Live Audio
میرے مطابق اگر اپ اپنی گفتگو کا معیار ان لوگوں کے ساتھ
بھی نرم ،اچھا رکھے جو برے ہیں تو وہ بھی اچھے بن سکتے ہیں۔
یہ خلا ہے عرش بریں نہیں
کہاں پاؤں رکھوں زمین نہیں
تیرے در پہ سجدے کا شوق ہے
جو یہاں نہیں تو کہیں نہیں
اور:- ریاست بچ گئی۔۔۔۔اب سیاست بچاؤ۔!!!!حاجی فضل محمود انجم۔۔
سال 2023ء میں عدم اعتماد کے موقع پر مسلم لیگ ن کے راہنماؤں نے دعوی! کیا تھا کہ ہم اپنی سیاست کی بجاۓ ریاست بچانے آۓ ہیں کیونکہ اس وقت یہ خدشات زبان زدِ عام تھے کہ ملک ڈیفالٹ ہونے کے قریب ہے اور ساتھ ہی یہ خدشات بھی تھے کہ کہیں یہ سیاسی کشمکش۔۔۔۔ذاتی مفادات۔۔۔۔ اقتدار کی جنگ اور اداروں سے ٹکراؤ ملک کو کسی بڑے بڑے بحران سے دوچار نہ کر دے کیونکہ اس وقت ہر طرف بے چینی، بے یقینی، انتشار و افتراق اور الزام تراشی کا دور دورہ تھا۔ ایسے میں اداروں نے یہی سوچا کہ انہیں اپنی اپنی حدود میں رہتے ہوئے ملک کے استحکام و سلامتی اور بقا کو یقینی بنانے کیلئے کام کرنا چاہئے۔ انکی یہ کوشش کامیاب ہوئی اور ریاست ایک بڑے بحران سے صحیح و سلامت نکل آئی لیکن اب یہ سوال بڑی شد و مد سے پوچھا جا رہا ہے کہ آپ نے ریاست کو تو بحرانوں اور آزمائشوں سے بچا لیا لیکن آپ کی اپنی سیاست پہ ایک بڑا گہرا اور انمٹ سوالیہ نشان لگ گیا۔ حکمران پارٹی کی سیاست پہ لگا ہوا یہ داغ کبھی نہ کبھی اور کہیں نہ کہیں اپنی موجودگی ظاہر کرتا رہتا ہے۔اس بات کے تازہ ترین شواہد گلگت بلتستان اسمبلی کے حالیہ ہونے والے الیکشن میں زیادہ واضح ہوکر نظر آۓ ہیں جب مسلم لیگ (ن) کو ان انتخابات میں باوجود کوشش کے وہ مینڈیٹ نہ مل سکا جو یہاں پر حکومت بنانے کیلئے ضروری تھا حالانکہ میاں محمد نواز شریف کو بھی بذات خود انتخابی مہم کی قیادت کیلئے باہر نکلنا پڑا لیکن اسکے باوجو پیپلز پارٹی نے میدان مار لیا باوجود اسکے کہ صوبہ سندھ میں اسکی کارکردگی پر ہر شخص تحفظات کا شکار نظر آتا یے۔ آج مسلم لیگ (ن) کی سیاست بھی کچھ ایسے ہی خطرات سے دوچار ہے کیونکہ عوام مہنگائی و بے روزگاری، تعلیم و صحت اور بنیادی سہولیات کے مسائل میں گھرے ہوئے ہیں،آج مسلم لیگ (ن) اپنی سیاست صرف اور صرف اس طریقے بچا سکتی ہے کہ وہ فوری طور پر عوام کو ریلیف دے۔ پیٹرولیم مصنوعات اور دیگر اشیاء کی امریکہ ایران جنگ سے پہلے والی قیمتیں فورا" واپس لائیں جنکا انہوں وعدہ کر رکھا ہے اور بار بار کر رکھا ہے۔اب یہی ایک طریقہ ہے سیاست کو بچانے کا ورنہ سیاست بچتی ہوئی نظر نہیں آ رہی کیونکہ عام آدمی کو نہ تو بین الاقوامی سیاست سے دلچسپی ہے اور نہ ہی پیچیدہ معاشی اصطلاحات سے۔ اس کے مسائل سادہ اور سیدھے ہیں مہنگائی، بجلی و گیس کے بل، روزگار، تعلیم اور صحت ۔ حکومت آسمان سے تارے بھی توڑ لائے لیکن یہ بنیادی مسائل حل نہ کئے تو عوامی پذیرائی حاصل نہیں ہو گی۔میاں نواز شریف اب اگر میدان میں خود نکلے ہیں تو وہ سیاست کو بھی بچائیں کیونکہ یہ ذمہ داری بھی انہی پر عائد ہوتی ہے کیونکہ مینڈیٹ تو بہر حال انہی کا ہی ہے۔
اس دنیا کے باسیوں کو معلوم ہے کہ رزق کہیں نہ کہیں ان کے لیے رکھا گیا ہے۔ کبھی گھنے جنگلوں کے درمیان، کبھی پہاڑوں کی دراڑوں میں، کبھی کھیتوں کی منڈیروں پر اور کبھی انسانوں کے گھروں کے آس پاس۔ وہ جانتی ہیں کہ زمین کا ہر ذرہ اپنے اندر کسی نہ کسی کا حصہ چھپائے ہوئے ہے۔
جب کوئی چیونٹی پیدا ہوتی ہے تو اسے رزق کی فکر نہیں ہوتی۔ اس کی ماں یا اس کے باپ جیسے بزرگ چیونٹیاں اس کے لیے دانہ دانہ اکٹھا کر کے لاتی ہیں۔ وہ اپنی ننھی سی گل میں بیٹھی رہتی ہے اور اس کا رزق اس تک پہنچتا رہتا ہے۔ وقت گزرتا ہے، موسم بدلتے ہیں اور وہ ننھی چیونٹی آہستہ آہستہ بڑی ہونے لگتی ہے۔
پھر ایک دن ایسا آتا ہے جب اسے بتایا جاتا ہے کہ اب وہ خود اپنے حصے کا رزق تلاش کرنے کے قابل ہو چکی ہے۔ اب اسے اپنی گل کی محفوظ دیواروں سے نکل کر دنیا کی وسعتوں کا سامنا کرنا ہوگا۔
کچھ چیونٹیاں وقت آنے پر باہر نکلتی ہیں۔ وہ منظم قطاروں میں چلتی ہیں، ایک دوسرے کا سہارا بنتی ہیں اور منزل کی طرف بڑھتی رہتی ہیں۔ لیکن کچھ ایسی بھی ہوتی ہیں جنہیں حالات وقت سے پہلے ہی باہر آنے پر مجبور کر دیتے ہیں۔ ان کی گلوں میں تنگی آ جاتی ہے، ذمہ داریاں بڑھ جاتی ہیں یا پھر زندگی انہیں جلدی بالغ ہونے کا سبق سکھا دیتی ہے۔ وہ چھوٹی عمر میں ہی رزق کی تلاش میں نکل پڑتی ہیں۔
اور کچھ خوش نصیب چیونٹیاں ایسی بھی ہوتی ہیں جنہیں اپنی پوری زندگی گل سے باہر آنے کی ضرورت نہیں پڑتی۔ ان تک رزق خود پہنچتا رہتا ہے۔ وہ اپنی دنیا کے اندر ہی رہتی ہیں اور ان کے حصے کی ضروریات پوری ہوتی رہتی ہیں۔
مگر جو چیونٹیاں مجبوری، ضرورت یا ذمہ داری کے تحت اپنی گلوں سے نکلتی ہیں، ان کا سفر سب سے منفرد ہوتا ہے۔ وہ گروہوں کی صورت میں چلتی ہیں۔ کبھی لمبی قطار بناتی ہیں، کبھی بکھر جاتی ہیں اور کبھی دوبارہ ایک دوسرے کو ڈھونڈ لیتی ہیں۔ راستے میں کانٹے بھی آتے ہیں، پتھر بھی، ڈھلوانیں بھی اور اندھیرے راستے بھی۔ مگر وہ رکتی نہیں۔
انہیں یقین ہوتا ہے کہ ان کا رزق کہیں نہ کہیں ان کا انتظار کر رہا ہے۔ چنانچہ وہ چلتی رہتی ہیں، تلاش کرتی رہتی ہیں اور آخرکار اپنے حصے کا دانہ پا لیتی ہیں۔
پھر وہ اس رزق کو اپنے کندھوں پر اٹھائے واپس اپنی گلوں کی طرف لوٹتی ہیں۔ ان کے قدم تھکے ہوئے ہوتے ہیں مگر دل مطمئن ہوتا ہے، کیونکہ وہ جانتی ہیں کہ آج انہوں نے صرف اپنا ہی نہیں بلکہ اپنی پوری بستی کا حصہ تلاش کیا ہے۔
چیونٹیوں کی دنیا ہمیں یہ سکھاتی ہے کہ رزق کی تقسیم پہلے ہی طے ہے، مگر اس تک پہنچنے کے راستے سب کے لیے ایک جیسے نہیں ہوتے۔ کسی کو رزق گھر بیٹھے مل جاتا ہے، کسی کو وقت آنے پر نکلنا پڑتا ہے اور کسی کو حالات وقت سے پہلے ہی سفر پر روانہ کر دیتے ہیں۔ مگر جو نکل پڑتے ہیں، وہ جان لیتے ہیں کہ منزل انہی کو ملتی ہے جو راستوں کی دشواریوں سے گھبراتے نہیں۔
Pull down to refresh
